अजुनी रुसून आहे

~~~~~~~~~~

अजुनी रुसून आहे, खुलता कळी खुले ना
मिटते तसेच ओठ, कि पाकळी हले ना !

समजून मी करावी, म्हणुनीच तू रुसावे
मी हास सांगताच, रडताही तू हसावे
ते आज का नसावे, समजावणी पटे ना
धरिला असा अबोला, कि बोल बोलवेना !

का भावली मिठाची, अश्रूत होत आहे
विरणार सागरी ह्या जाणून दूर राहे ?
चाले अटीतटीने, सुटता अ!I सुटेना
मिटविल अंतराला, ऐसी मिठी जुटे ना !

की गुड काही डाव, वरचा न हा तरंग
घेण्यास खोल ठाव, बघाल्यास अंतरंग ?
रुसवा असा कसा हा, ज्या आपले कळेना ?
अजुनी रुसून आहे, खुलता कळी खुले ना !
_________________________

गीत : आ . रा . देशपांडे 'अनिल'
संगीत : पंडित कुमार गंधर्व
स्वर : पंडित कुमार गंधर्व