असेन मी, नसेन मी

______________

असेन मी, नसेन मी, तरी असेल गीत हे
फुलाफुलात येथल्या, उद्या हसेल गीत हे

हवेत ऊन भोवती सुवास धुंद दाटले
तसेच काहीसे मनी तुला बघून वाटले
तृणात फूलपाखरू तसे बसेल गीत हे

स्वये मनात जागले न सूर ताल मागते
अबोल राहुनी स्वत: अबोध सर्व सांगते
स्वये मनात जागते न सूर ताल मागते

कुणास काय ठाउके कसे कुठे उद्या असू ?
निळ्या नभात रेखिली नकोस भावना पुसू
तुझ्या मनीच राहिले तुला कळेल गीत हे
____________

गीत: शांता शेळके
संगीत: यशवंत देव
स्वर: अरुण दाते
राग: भैरवि