क्षितिजी आले भरते ग

___________

गडद निळे गडद निळे जलद भरुनी आले
शितलतनु चपलचरण अनिलगण निघाले

क्षितिजी आले भरते ग
घनात कुंकुम खिरते ग

झाले अंबर
झुलले झुंबर
हवेत अत्तर तरते ग

लाजण झाली धरती ग
साजण काठावरती ग
ऊन्हात पान
मनात गान
ओलावुनी थरथरते ग

नाते अपुले न्हाते ग
होऊनी ॠतुरस गाते ग
तृणात मोती
जळात ज्योती
लावित आले परते ग

सरिवर सारी आल्या ग
सचैल गोपी न्हाल्या ग
_____________

गीत : बाकीबाब बोरकर
संगीत : श्रीधर फडके
स्वर : पद्मजा फेणाणी-जोगळेकर