______________
आयुष्याची आता झाली उजवण,
येती तो तो क्षण अमृताचा;
जे जे भेटे ते ते दर्पणीचे बिंब,
तुझे प्रतिबिंब लाडेगोडे;
सुखोत्सवे असा जीव अनावर,
पिंजर्याचे दार उघडावे;
संधिप्रकाशात अजून जो सोने,
तो माझी लोचने मिटो यावी;
असावीस पास, जसा स्वप्रभास,
जीवी कासावीस झाल्यावीण;
तेव्हा सखे आण तुळशीचे पान,
तुझ्या घरी वाण त्याची नाही;
तूच ओढलेले त्यासवे दे पाणी,
थोर ना त्याहनी तीर्थ दुजे;
वाळल्या ओठा दे निरोपाचे फूल,
भुलीतली भूल शेवटली.
____________
गीत : बाकीबाब बोरकर
स्वर/संगीत : सलील कुलकर्णी
61 Comments
