____________________
10 Comments
__________________________
दु:ख कोणांक चुकना
संसाराची ताप नासतना
पूर्वपुण्य पिकना
हरिश्चंद्र भवजाळी पडलो
परोपरीन वनवन विडविडलो
बायल, पूत, धन, राज्य व्हगडलो
लागुन ह्या मायणा
जल्ले व्हेल्ले घर आसुन उंचेले
शितेक पळेया कितले भोगले
घोव देव आसून हुल्पली
जावन भयो दैना
देवपुता पाडवा अतिरथी
वश जाल्लो साक्षात श्रिपती
साह्य आसुन संसारसारथी
पडले सामके उदणा
व्हडाव्हडची ही असली गति
कुळक्षयय खर भोगालो श्रीपती
पळवन पुण हे मनिस अल्पमती
रतिभरय शिकता
भोग जिवा सन्सारयातना
असलो योग परतून येवचो ना
जळ् ळ्याबगर हे शास्त्र उमजना
तातली जोत जिभना
______________
गीत : बाकिबाब बोरकार
संगीत : पं. जितेंद्र अभिषेकी
स्वर : अजीत कडकडे
संसाराची ताप नासतना
पूर्वपुण्य पिकना
हरिश्चंद्र भवजाळी पडलो
परोपरीन वनवन विडविडलो
बायल, पूत, धन, राज्य व्हगडलो
लागुन ह्या मायणा
जल्ले व्हेल्ले घर आसुन उंचेले
शितेक पळेया कितले भोगले
घोव देव आसून हुल्पली
जावन भयो दैना
देवपुता पाडवा अतिरथी
वश जाल्लो साक्षात श्रिपती
साह्य आसुन संसारसारथी
पडले सामके उदणा
व्हडाव्हडची ही असली गति
कुळक्षयय खर भोगालो श्रीपती
पळवन पुण हे मनिस अल्पमती
रतिभरय शिकता
भोग जिवा सन्सारयातना
असलो योग परतून येवचो ना
जळ् ळ्याबगर हे शास्त्र उमजना
तातली जोत जिभना
______________
गीत : बाकिबाब बोरकार
संगीत : पं. जितेंद्र अभिषेकी
स्वर : अजीत कडकडे
_______________________
त्या दिसा वडा कडेन गडद तिनसना
मंद मंद वाजत आयली तुजी गो पांयजणा
मौन पडले सगल्या रानां
शिरशिरून थांबलिं पानां
कंवळी जाग आयली तणा झेमता झेमतना
पैसुल्यान वाजलि घांट
दाटलो न्हयेचो कंठकांठ
सांवळ्यानी घमघमाट सुटलो त्या खिणा
फुललो वैर चंद्र ज्योती
रंध्रांनी लागल्यो वाती
नवलांची जावंक लागलीं शकून लक्षणा
गळ्यान सुखां, दोळ्यान दुकां
लकलकली जावन थिकां
नकळटना एक जालीं आमी दोगाय जाणा
वडफळांच्या अक्षतांत
कितलो वेळ न्हायत न्हायत
हुपले कितले चंद्रलोक इंद्रनंदना
तांतले काय नुल्ले आज
सगले जिणेक आयल्या सांज
तरीय अकस्मात तुजी वाजली पांयजणा
कानसुलांनी भोंवता भोंवर
आन्गार दाट फुलंति चंवर
पडटी केन्ना सपनां तींच घडटी जागरणा
__________________________
मंद मंद वाजत आयली तुजी गो पांयजणा
मौन पडले सगल्या रानां
शिरशिरून थांबलिं पानां
कंवळी जाग आयली तणा झेमता झेमतना
पैसुल्यान वाजलि घांट
दाटलो न्हयेचो कंठकांठ
सांवळ्यानी घमघमाट सुटलो त्या खिणा
फुललो वैर चंद्र ज्योती
रंध्रांनी लागल्यो वाती
नवलांची जावंक लागलीं शकून लक्षणा
गळ्यान सुखां, दोळ्यान दुकां
लकलकली जावन थिकां
नकळटना एक जालीं आमी दोगाय जाणा
वडफळांच्या अक्षतांत
कितलो वेळ न्हायत न्हायत
हुपले कितले चंद्रलोक इंद्रनंदना
तांतले काय नुल्ले आज
सगले जिणेक आयल्या सांज
तरीय अकस्मात तुजी वाजली पांयजणा
कानसुलांनी भोंवता भोंवर
आन्गार दाट फुलंति चंवर
पडटी केन्ना सपनां तींच घडटी जागरणा
__________________________
Subscribe to:
Posts (Atom)