________________

हे पत्र तुला लिहिताना का अबोल होते शाई ?
का रंग खरा शब्दांचा पानावर उमटत नाही ?
नभ ओळवते, मन मोहरते, पण तोल जात नाही
अनिवार सरी, उरतात उरी, बरसात होत नाही

ह्या अजाण शब्दांच्या ओठी अल्लड गाणे
हे वयात येणारे अवखळ अमोल तराणे
हे कागद-कोरे अंगण, आतूर भिजाया कणकण
कधी बावरे, कधी सावरे, मन बोलत नाही काही

त्या तुझ्या किनार्‍याला जाती लाखो लाटा
कोणत्या दिशा माझ्या, कोणत्या माझ्या वाटा
व्याकूळ मनाच्या द्वारी, अस्वस्थ क्षणांची वारी
क्षण अक्षरे, क्षण भोवरे अन्‌ अजूनी बरेच काही

_______________

गीत     - वैभव जोशी
संगीत - अशोक पत्की
स्वर - सुवर्णा माटेगावकर

________________________

तेजोमय नादब्रम्ह हे

रुणझुणले काळजात, लखलखले लोचनात
अंबरात अंतरात, एकरूप हे

सृष्टीचा देव्हारा, दरवळला गाभारा
सर्व दिशा कांचनमय, पवन मंद मंगलमय
आरतीत तेजाच्या विश्व दंग हे

कुसुमाच्या हृदयातून, स्नेहमय अमृतघन
चोहिकडे करुणा तव, बरसून ये स्वरलाघव
परमेशा साद घालि तुझे रूप हे
________________

गीतकार : प्रविण दावणे
संगीतकार : श्रीधर फडके
स्वर : आरती अंकलिकर-टिकेकर व सुरेश वाडकर

____________

दिसलीस तू, फुलले ऋतू
उजळीत आशा, हसळीस तू

उरले न आसु, विरल्या व्यथाही
सुख होऊनिया, आलीस तू

जाळीत होते मज चांदणे जे
ते अमृताचे, केलेस तू

मौनातुनी ए गाणे दिवाणे
त्याचा अनामी, स्वरभास तू

जन्मात लाभे क्षण एकदा हा
ते भाग्य माझे, झालीस तू
___________________

गीतकार : सुधीर मोघे
संगीतकार : राम फाटक
स्वर : सुधीर फडके

________________________

शुक्रतारा, मंदवारा, चांदणे पाण्यातुनी
चंद्र आहे, स्वप्न वाहे, धुंद या गाण्यातुनी
आज तू डोळ्यांत माझ्या, मिसळूनी डोळे पहा
तू अशी जवळी रहा

मी कशी शब्दात सांगू, भावना माझ्या तुला
तू तुझ्या समजून घे रे लाजणार्‍या या फुला
अंतरीचा गंध माझ्या, आज तू पवना वहा

लाजर्‍या माझ्या फुला रे, गंध हा बिलगे जीवा
अंतरीच्या स्पंदनाने अन् थरारे ही हवा
भारलेल्या या स्वरांनी, भारलेला जन्म हा

शोधिले स्वप्नात मी ते, ये करी जागेपणी
दाटूनि आलास तू रे, आज माझ्या लोचनी
वाकला फांदीपरी आता फुलांनी जीव हा
________________

गीतकार: मंगेश पाडगांवकर
स्वर: सुधा मल्होत्रा - अरुण दाते
संगीत: श्रीनिवास खळे

__________________

माझे दिवन गाणे, माझे दिवन गाणे !

व्यथा असो आनंद असू दे
प्रकाश किवा तिमीर असू दे
वाट दिसो अथवा न दिसू दे, गात पुढे मज जाणे !

कधी ऐकतो गीत झर्यातुन
वशवनाच्या कधी मनातुन
कधि वार्‍यातून, कधि तार्यातुन झुळझुळतात तराणे !

तो लीलाघन सत्य चिरंतन
फुलापरी उमले गीतातुन
स्वरास्वरातुन आनंदाचे नित्य नवे नजराणे !

गा विहगांनो माझ्यासंगे
सुरावरी हा जीव तरंगे
तुमच्यापरी माझ्याही स्वरातुन उसळे प्रेम दिवाणे !
________________

गीत : मंगेश पाडगावकर
संगीत : पु. ल. देशपांडे
स्वर : पंडित जितेंद्र अभिषेकी

 

______________________

शब्दावाचुन कळले सारे शब्दांच्या पलिकडले
प्रथम तुला पाहियाले आणिक घडू नये ते घडले

अर्थ नवा गीतास मिळाला
छंद नवा अन् ताल निराळा
त्या दिवशी का प्रथमच माझे सूर सांग अवघडले ?

होय म्हणालिस नकोनकोतुन
तूच व्यक्त झालीस स्वरातुन
नसता कारण व्याकुळ होऊन उगिच हृदय धडधडले

आठवले पुनावेच्या रात्री
लक्ष दीप विरघळले गात्री
मिठीत तुझीया या विश्वाचे रहस्य मज उलगडले
_______________________

गीत : मंगेश पाडगावकर
संगीत : पु. ल. देशपांडे
स्वर : पंडित जितेंद्र अभिषेकी

 

________________

तपत्या झळा उन्हाच्या झेलीत चाललो
मी बीज सावल्यांचे पेरीत चाललो

वैराण माळ उघडा बेचैन तळमळे
मी दान आसवांचे फेकीत चाललो

आव्हेरूनी फुलांचे अनिवार आर्जवे
काटेकुटे विखारी वेचित चाललो

दाही दिशांत वेडा वैशाख मातला
मी बाण चंदनाचे पेरीत चाललो

ए कोरड्या गळ्यात हा सूर कोठला
मी तार वेदनेची छेडित चाललो
___________________

गीत : सुधीर मोघे
संगीत : राम फाटके
स्वर : पंडित जितेंद्र अभिषेकी

___________

स्वर आले दुरुनी
जुळल्या सगळ्या त्या आठवणी

निर्जीव उसासे वार्याचे
आकाश फिकटल्या तार्यांचे
कुजबुजही नव्हती वेलींची
हितागुजाही नव्हते पर्णांचे
ऐशा थकलेल्या उद्धयानी

विरहार्त मनाचे स्मित सरले
गालावर आसू ओघळले
होता हृदयाची दो शकले
जखमेतून क्रंदन पाझरले
खाली फुंकर हललेच कुणी

पडसाद कसा आला न काळे
अवसेत कधी  का तम उजळे
संजीवन मिळता आशेचे
निमिषात पुन्हा जग सावरले
किमया असली का केली कुणी ?
_________________

गीत : यशवंत देव
संगीत : प्रभाकर जोग
स्वर : सुधीर फडके

____________

घेत निरोप नभाचा मग निघाला दिवस
घेत निरोप नभाचा मग निघाला दिवस
थोडे  घेऊन ठेवून मग थोडे निघाला दिवस
थोडे घेऊन ठेवून  पुढे  निघाला दिवस
घेत निरोप नभाचा मग निघाला दिवस

असे  मुख मावळतीचे उदास उदास
तसा गार वारा वाहे जसा खोल श्वास
असे  मुख मावळतीचे उदास उदास
तसा गार वारा वाहे जसा खोल श्वास श्वास
दूरच्या दिव्यांना देत निघाला दिवस
श्वास दूरच्या दिव्यांना देत निघाला दिवस
घेत निरोप नभाचा मग निघाला दिवस

विझवूनी  दिवसाचा दीप पेटवून रात
पडे देह अवनीचा या तमाच्या कुशीत
विझवूनी दिवसाचा दीप पेटवून रात
पडे देह अवनीचा या तमाच्या कुशीत
थोडा अधिरसा श्वास थोडा दिलासा दिवस
घेत निरोप नभाचा मग निघाला दिवस

आता गाऊ द्यावे गाणे जसे गाऊ वाटे
अंगणात येतील स्वप्ने पहाटे पहाटे
आता गाऊ द्यावे गाणे जसे गाऊ वाटे
अंगणात येतील स्वप्ने पहाटे पहाटे
गावं मन नाव ज्याचे त्याची ढासळती वेस
गावं मन नाव ज्याचे त्याची ढासळती वेस
घेत निरोप नभाचा मग निघाला दिवस
थोडे घेऊन ठेवून पुढे  मग निघाला दिवस

घेत निरोप नभाचा मग निघाला दिवस
___________________

गीत : शैलेश रानडे
स्वर / संगीत : डॉ. सलील कुलकर्णी

_________________

ज्ञानीयांचे ध्येय
पुंडलीकाचे प्रिय सुखवस्तू
ते हे संचरण उभे विठेवरी
पाहा भीमातीरी विठ्ठालरूप || धृ ||

जे तपसवीयांचे तप, जे जपकांचे जाप्य
योगियांचे गौप्य परमधाम
जे तेजकांचे तेज, जे गुरूमंत्रांचे गूज
पूजकांचे पुज्य कुलदयवत || १ ||

जे जीवनात जिबवीते, पवनाते नीववीते
जे भक्तांचे उगवीते मायाजाळ
नामा म्हणे ते सुखाची आयाते
जोडले पुंडलिकते भाग्यायोगे || २ ||
________________

गीत : संत नामदेव
स्वर / संगीत : सलील कुलकर्णी

______________________

स्वर : सुरेश वाडकर